Eimreiðin

Drengjakór íslenska lýðveldisins sungu bakraddir í einu lagi á nýútkomnum geisladiski Sváfnis Sigurðarsonar, sem kom út í desember síðastliðinn. En diskur þessi, sem nefnist Loforð um nýjan dag, er einmitt plata vikunnar á Rás 2, þessa fyrstu viku ársins 2017.

a1246171504_10Tekið af vefnum www.ruv.is:

Sváfnir Sigurðarson hefur sent frá sér plötuna Loforð um nýjan dag en það er jafnframt hans fyrsta sólóplata. Á plötunni leikur með Sváfni hljómsveitin Drengirnir af upptökuheimilinu, sem var sérstaklega sett saman til að vinna að gerð plötunnar
 

Drengirnir af upptökuheimilinu eru: 

Eðvarð Lárusson, gítarleikari, Kristján Freyr Halldórsson, trommuleikari, Pálmi Sigurhjartarson, píanóleikari og Tómas M. Tómasson, bassaleikari. Loforð um nýjan dag var hljóðrituð í Stúdíó Hljómi og það var Hjálmur Ragnarsson sem stýrði upptökum, Skapti Þóroddsson sá um hljóðblöndun og Sigurdór Guðmundsson, hjá Skonrokk Stúdíós sá um masteringu.
Sváfnir gefur sjálfur út plötuna, en hún er til sölu á https://svafnir.bandcamp.com/ og í verslunum 12 Tóna á Skólavörðustíg.

 

Loforð um nýjan dag er níu laga plata þar sem melódramatíkin er aldrei langt undan og yrkisefnin eru jafn ólík og lögin eru mörg.

Sváfnir hefur komið víða við í tónlist, ýmist sem flytjandi eða höfundur. Fyrst með hljómsveitinni KOL sem sendi frá sér geisladiskinn Klæðskeri Keisarans árið 1994. Sváfnir var um tíma meðlimur í dönsku hljómsveitinni Quite Frankly í og er annar söngvara og lagahöfunda í hljómsveitinni Menn ársins sem sendi frá sér geisladisk árið 2008. Sváfnir hefur samið tónlist við leiksýningar og stuttmyndir svo fátt eitt sé nefnt.

Hér má hlusta á lagið:

12704 Heildar heimsóknir 4 Í dag
Menu Title